嘉麟樓奶黃月餅　一日賣晒

[img]http://hk.apple.nextmedia.com//images/apple-photos/apple/20110812/large/A25_02_a.gif[/img]

半島酒店嘉麟樓出品嘅迷你奶黃月餅，香而不膩，甜而不「漏」，係唔少達官貴人嘅「飛佛」，加上高貴得體，送禮自用皆宜，所以每年都好搶手。點知今年更誇張，量產 6萬盒、共 48萬個月餅，月初推出，首日即被搶購一空；往時可堂食，今年都要取消，呢個「月餅王」真係有錢都唔容易食到。


[size=20pt][b]網上炒至 300元一盒[/size][/b]
話雖如此，半島熟客卻例外，好似關嘉美醫生就同八方講，每年半島都會送月餅畀佢。佢仲同向隅者講，食唔到奶黃月餅，可以食嘉麟樓嘅菠蘿包，因為餡料同奶黃月餅一樣。半島奶黃月餅一盒八個盛惠 228元，呢個價錢，難怪瞬間沽清。
半島公關同八方講，今個月 1號開始，顧客可電話或網上預訂，即日已搶購一空；今年斷市，明年請早。迷你奶黃月餅熱賣，有人甚至拎上網炒到 300蚊盒，八方知道唔少捧場客一年前已落柯打，以免向隅，粉絲如果下年想食住奶黃月餅賞月，千祈要記得早啲預訂。
時代唔同，中秋月餅種類越來越多，傳統有蓮蓉月餅，冰皮、雪糕、咖啡月餅近年亦大行其道，新派月餅代表，莫過於半島酒店呢個全城搶購迷你奶黃月餅，八方覺得最吸引係香噴噴嘅奶黃味，而且唔太甜，食多個（如果唔怕肥同膽固醇）都唔覺得好膩。


[size=20pt][b]關嘉美讚粵港澳之最[/size][/b]
關嘉美醫生幫襯嘉麟樓廿幾年，係奶黃月餅捧場客，佢大讚月餅個皮有西式糕點特色，用料又一流，質素有保證，甚至係「粵港澳最好嘅月餅」。佢又話每年中秋都冇刻意訂購，因為半島會送月餅畀佢食，不過聽到八方話今年月餅已經斷市，佢都驚冇得食，月有陰晴圓缺，以後會開始懂得珍惜喎。


[size=20pt][b]始創師傅監製
味道有保證[/size][/b]
[img]http://hk.apple.nextmedia.com/images/apple-photos/apple/20110812/large/12lp2p4.jpg[/img]
[size=8pt]葉永華師傅率領月餅師傅日日趕工做靚餅。[/size]

城中傳奇嘅半島迷你奶黃月餅有 25年歷史，八方收到風，出品奶黃月嘅嘉麟樓，今年 2月換咗主廚，有客人擔心月餅味道會唔同咗。不過，半島公關就叫貴客唔使驚，即使換咗主廚，製餅方法、材料、份量依然跟到足原來食譜，加上有始創奶黃月餅嘅葉永華師傅監製，所以保證味道絕不改變。

[節錄...]

引用:蘋果日報網站

係咪真係咁好食呀