90後力抗東北發展　拒做劊子手

[img]http://static.apple.nextmedia.com/images/apple-photos/video/20130725/org/1374696454_d910.jpg[/img]
■左起：陳劍青、尹欣怡及劉詩敏皆希望將來能還地於民，不再看見地產商囤積土地。黃賢創攝


特首梁振英要給年輕人一個家，但遠在新界東北。一班90後不甘人生「被規劃」，不欲被「借刀」毀人家園，將動員保衞新界東北。他們理想的家，是要有城有鄉有社區，在市區上班，放假則跟兒孫到新界東北後花園，享受自然風光。未來願景，他們要自己掌握。


[img]http://static.apple.nextmedia.com/images/apple-photos/apple/20130725/large/25la6p03.jpg[/img]
■劉詩敏託朋友畫的畫，一邊是田園，一邊是大廈。

梁振英本月11日在立法會答問大會說：「今日嘅初中學生，20年後嘅家會喺新界北；今日嘅幼稚園小朋友，30年後嘅家會係填海新區」。這一己之見辣㷫90後，升讀中五的尹欣怡說起被梁振英規劃她的未來，越說越氣憤，「我覺得特首屈我哋，逼我哋住喺新界東北，冇問過我哋意見。好似未來被人規劃咗，連住邊都冇得選擇，其他地方就更加冇選擇」。
16歲的尹欣怡在回歸年出生，「見到我哋嘅生活、選擇，不斷被侵蝕」。去年參與反國教運動後，她與數名戰友出席最後一場公眾諮詢會，首次了解新界東北發展。梁振英的規劃論，激起他們成立組織「東北攻略」，叫停新界東北，「我哋未來應該由自己規劃，唔係由特首去規劃」。

[b]希望跟家人同住一區[/b]
「之前好表面以為係土地、農民問題，今次要企番喺年輕人角度去睇。」中六畢業生黃莉莉是「東北攻略」發起人之一，梁振英叫年輕人住新界東北，發展局局長陳茂波說粉嶺北和古洞北創造逾3.7萬個職位，她即時反應是：「中環點可能冇年輕人？」繼而想到貧富區分：「係咪有錢就住中環？」
上一代人在新市鎮成長，新生代卻厭倦一式一樣的發展模式。黃莉莉說，政府發展新市鎮，叫年輕人搬進去，留下父母在市區，分隔兩代人，「做得好差」。她家住九龍，將來希望跟家人同住一區，維繫感情，彼此照應，「我𠵱家嘅父母將來係老人家，就咁扔佢哋喺市區，雖然我都會探佢哋，但對下一代嚟講，已經唔係一回事，因為好少見，感情基礎會低好多」。
同樣是90後的劉詩敏說，外婆有農田在沙頭角，因蓮塘口岸工程被收回建馬路，她不想看見新界東北也淪為邊境特區，今年初主動加入反對香港被規劃行動組，「適當規劃可以，但唔好濫用規劃嘅權利。一個真正城市，點解唔可以融合商業社會同田園生活？」

[b]一幅畫道出未來冀望[/b]
劉詩敏託朋友代筆畫了一幅畫，畫中一邊是大廈，一邊是田園，道出她對未來冀望，「平時喺市區返工返學，假日就過農村生活，望住農田聽音樂、睇日落。我唔想香港連一塊田都冇，唔想下一代連田園係點都唔知」。
東北攻略是首個打正旗號反新界東北的90後團體，黃莉莉說，首要拆解政府發展新界東北的謊話，喚起更多年輕人關注。尹欣怡也說，要推倒計劃通過環諮會、城規會和立法會三大高牆，奪回自主權。


來源:蘋果日報網站