廁紙借返嚟？MC興肯肯定有問題

都話立法會區議會化㗎啦，睇吓工聯會王國興噚日竟然喺立法會提出口頭質詢，問公廁廁紙含菌量超標問題就知啦，佢仲聲稱喺港九新界五區，「借」咗幾卷唔同地區公廁嘅廁紙做道具，在場議員個個睇到眼突突，主席曾鈺成都睇唔過眼，問佢啲廁紙係咪有菌？係就唔應該拎入議事廳。負責答辯嘅食物及衞生局局長高永文就話呀，政府部門自己買又好、承辦商買都好，啲廁紙都要符合國家標準，否則會警告承辦商或者要求更換。點知亡國興得寸進尺鬧政府厚此薄彼，問點解政總啲廁紙白雪雪，公廁嗰啲灰色吖？民望高從醫學角度反駁話，廁紙顏色其實同衞生無關，反而去完廁所唔洗手就真係唔衞生囉。

[img]http://static.apple.nextmedia.com/images/apple-photos/apple/20131212/large/12lp2p01.jpg[/img]
■就係呢五卷港九新界各區公廁廁紙，亡國興蒙上喺立法會播菌嫌疑。


來源:蘋果日報網站